而我還記得Beeno是誰...

如果大家小學時英文課本係用《New Welcome To English》嘅話，我相信都Benno係你嘅好朋友吧。佢雖然唔靚仔，亦唔屬於呢個星球，但我宜家擁有嘅基本英文智識，大部分都係佢教識我嘅！佢除左係一位好老師之外，佢仲有介紹唔少地球上嘅朋友比我認識！就算我已經忘記左唔少小學同學嘅名字，我都唔會忘記Beeno。

Beeno嘅影響力極強，到今時今日我仲記得佢嘅朋友！！！
Peter: 戴眼鏡，住係北角，曾經話自己將來想做一個Cooker而被一眾朋友恥笑。


Tom(左)：我曾經認為佢係眾多男孩子之中最靚仔嘅一位，到宜家坐係Charlie隔壁比較之下，我都係覺得Tom最靚仔。
Charlie(中)：印象中應該係最活潑同時又最百厭嘅一位，好似有個名字叫Cherie嘅妹妹？
Mary(右)：唔記得佢性格如何，不過我曾經因為佢唔係長頭髮而唔鐘意佢...仲要中間分界，一定係心理變態

以下兩位我都唔記得姓甚名誰，印象中有一位樣貌幾討好嘅女孩子 - Sally，應該係其中一位掛!?

六年來，佢要求我做嘅功課已經唔算難唔算多，只係我唔識得珍惜；到升上高年級，遇到Grammar in Use，係中學更要面對一堆無固定答案嘅Essay，先發覺Benno係幾咁仁慈。

年少無知嘅我，仲經常拎佢個名黎玩。
當年識得用MSN Messenger但係唔識打中文字嘅時候，想要同對話中嘅朋友表達自己打緊邊爐，又醒唔起打邊爐嘅英文係Hot-pot，就會用到「Da Beeno」或者「Beat Beeno」，對方又會好醒目咁get到自己講咩。呢一刻真係有少少慚愧。Beeno, I'm so sorry...

事隔咁多年，我無再去探望呢位朋友；從網上得知佢嘅消息同近照，佢竟然返老還童，鼻矮左、成個身細左，佢係咪被地球上嘅朋友教識左去整容？

大家對Beeno同佢嘅朋友們有咩記憶呢？

圖片來源:
http://news.presch.ilongman.com
http://www.tangao.com.tw