唔望下維基百科都唔知原來Glasgow係英國第三大城市，亦都係蘇格蘭最大嘅城市。因為考試同趕coursework嘅關係，遊記都推遲左成個月先有時間寫。當時係五月頭，以為天氣應該唔會太差，我太天真了。不過深知道自己未來一個月都唔會有機會四處走動，所以唔理打風落雨，去左先算啦！
一個月前嘅某個星期五，天氣仲未回暖，Glasgow就落左成日雨。一般英國果啲唔會淋濕人嘅毛毛雨，我係唔會理唔擔遮照行(所以係英國一把遮都無⋯⋯)。當日一到達就開始落毛毛雨，本住「應該唔會淋到好濕掛」嘅想法，淋左大半日雨。
由火車站步行去Kelvingrove Park途中，發現Glasgow都算係幾商業化嘅城市，好多個月無見過嘅天秤呀(上圖)！而沿路都疑似係辦公室，長期遠離繁囂嘅我都一時習慣唔到。
由Glasgow Central Station步行大約15-20分鐘就去到Glasgow西部嘅Kelvingrove Park，都有唔少人冒雨跑步、散步或者食lunch！
見到有春天嘅痕跡，明明可以好靚點解偏偏要落雨呢
我欣賞佢有教人辨認雀鳥！不過你依家問番我我都唔會認得。
亂咁行黎行去，就見到Kelvingrove Art Gallery and Museum。裡面除左藝術品之外，仲有唔少來自世界各地嘅展品。我係入面竟然見到冥通銀行紙幣:-O 估唔到閒日都有算有咁多人參觀。
估唔到Art Gallery入面有部Organ，仲撞正有lunchtime concert。
好喜歡呢個裝置藝術 - “Floating Heads” by Sophie Cave
Ruthven Lane - Byres Road附近嘅巷仔既然行左咁耐，就唔爭在順便去埋Glasgow西部嘅Byres Road。呢度充斥住cafe、CD店、書店、Charity shop、vintage店。喜歡呢類野嘅朋友唔可以錯過呀！如果無落雨嘅話我都會行耐少少！眾多店舖之中最喜歡Ruthven Lane裡面嘅呢一間古董店(不過無記低個名，真失敗)。
好混亂好混亂，店主養嘅貓又周圍跳，好像每一刻都驚有野打爛咁。店內大至樂器小至鐵罐應有盡有，如果我長駐係英國，我一定會將佢地帶返屋企！
左：花紋好靚好靚好靚嘅手風琴右：按鈕係底部嘅電話，對於九十後黎講，呢種電話真係好少見
大量撥輪電話 – 唔知用唔用到呢？其實想拎一部出黎都難，見到啲電話線都頭痛
行到攰啦，求亂衝入一間名叫Tinderbox嘅cafe。圖中為Soy Milk Latte，香味好濃郁！本身係有拉花嘅，但係影相之前已經被我摧毀左。其實仲食左件Lemon Meringue Tart，但係個人認為唔夠酸，所以無影低。
No comments:
Post a Comment