從今年開始，學校停止提供倒垃圾服務，當垃圾多到cleaning supervisor寫警告信，而事後若干日都未被清理，共用同一個廚房嘅學生們將被收取清潔費用。事關之前見過原來清潔廚房同倒垃圾係唔同人嘅工作，請多個人淨係倒垃圾都幾浪費資源，你加少啲學費就ok啦，所以本人係覺得冇問題嘅。垃圾又唔同多到要日日倒，基本上垃圾滿瀉咪倒下囉。如果大家乖乖地，有少少責任心，計落根本每人每兩、三個禮拜先要倒一次。
好遺憾唔少香港、英國同內地啲唔知咩教育制度教出黎嘅大學生，都唔肯倒垃圾。你讀書讀到呢個程度，多年所寫嘅esaay入面都充斥住邏輯性嘅問題。你可否係日常生活中利用你寫essay嘅頭腦？
例如，一個flat八個人，你一個人唔倒垃圾會產生嘅問題就會有：
1．垃圾會加快積滿，重量亦會增加，下一個有責任感嘅flatmate就要冒一個患上肌肉痛嘅險去倒垃圾。
2．如果垃圾真係放左好耐好耐好耐好耐，係會有長出蟲蟲嘅危機。當然cleaner多數都會係呢件事發生前寫警告信，警告不受理後就會清理左啲垃圾然後收錢。而八個人入面最少有一兩個人唔想突然被收取費用，有六個人唔介意都唔代表可以剝削介意果位嘅權利，cy一個人想做特首都唔代表全香港要接受，金正恩想全北韓同佢一樣髮形都唔代表全北韓要接受啦。即使大家表面上接受，心入面果鼓憤怒只會越積越多。而大家表達憤怒嘅方法都唔同，有人會向porter投訴，有人會係背後唱衰你，有人會同你一齊唔倒垃圾以示不滿。最後一個方法最戇居，因為問題只會越滾越大，傻豬黎嘅，你以為自己蘇施黃？
『事情發生在某日。剛上完早上十一時的課堂，我的腦袋提議自己去食個晏孤身一人去了自己flat的kitchen。我眼見垃圾桶內的垃圾已滿瀉，我心諗：「你唔倒垃圾？我咪同你一齊唔倒攬住死囉！你敢唔倒就得嘞！」
看垃圾桶！你們真的敢唔倒垃圾共n袋！我唔心入面咒罵你班垃圾蟲真對唔住自己。倒一袋垃圾要用幾多力呢，一袋垃圾就立即可以損害你的聲譽。』
冇用架，你最後咪又係要硬食自己種嘅惡果。
3．當你有感自己真係好憎倒垃圾時，你都可以推測到自己唔會係地球上唯一一個唔鐘意倒垃圾嘅人，如果全flat八個人都有同一個感覺而唔去硬著頭皮解決呢個問題，問題又係會越滾越大。
其實煮野食同做其他野一樣，唔係淨係煮同食，對連帶嘅事都應該要有一定要求。你唔保持廚房清潔，然後叫人黎同你煮飯仔，然後被人發現廚房有蟲蟲飛烏蠅飛或者有濃烈垃圾味，你自己顏面何存呀。
你寫essay，你識打啲字出黎，識用個腦諗野寫，你都要連帶學識點樣submit online/點行去交hardcopy，你識得點砌bibliography，仲要識得back-up你篇essay。
我剛剛已經掉左兩袋垃圾。
Photo source: Vicky Kane
No comments:
Post a Comment