過多一年，就唔會再有一個如此遼闊嘅風景睇。

Curate the Campus2013: The Dawn Chorus

每年summer term嘅開頭，我所屬department都會準備一連串藝術活動，整個活動名字叫Curate the Campus。今年其中一個活動係由著名錄音師Chris Watson帶領一眾學生、工作人員，係呢個禮拜四、五，日出前於校園內其中一片樹林內錄下Dawn Chorus。係英國大概早上四點鐘，不同種類嘅雀鳥們會為左霸地或者吸引異性，就會開始唱歌直至日出，然後慢慢散去。

作為其中一名學生，我都當然要早上四點鐘出現係樹林。事前去左好幾次meeting同briefing(亦都被學校攝影師影左好多大頭照，救命呀)，星期四早上主要係錄音同rehearsal，而星期五早上就正式將樹林裡面嘅歌聲係附近嘅室內直播。經過一番mixing再混入學生們嘅錄音，下午就再重播一次。

留學生亂咁遊 – Marrakech

Marrakech對兩個唔夠大膽，又唔夠疏爽嘅女生黎講，是一個伏。結果四日都活在惶恐之中。事後問返其他去過Marrakech嘅朋友，都認為如果有男生陪伴/識法文係會比較有安全感。

你可能會問：點解兩個女仔去旅行要揀個咁奇怪嘅國家？
上年去旅行時，極渴望一間酒店(而唔係hostel)。可惜大多酒店都比較貴，hostel又唔係唔住得人。直至我嘅朋友從網上得知世界上有個位於摩洛哥地方叫Marrakech，酒店又平又靚！Marrakech酒店價錢平過其他城市嘅hostel價錢。我地就咁被金錢蒙蔽了雙眼⋯⋯