每年summer term嘅開頭，我所屬department都會準備一連串藝術活動，整個活動名字叫Curate the Campus。今年其中一個活動係由著名錄音師Chris Watson帶領一眾學生、工作人員，係呢個禮拜四、五，日出前於校園內其中一片樹林內錄下Dawn Chorus。係英國大概早上四點鐘，不同種類嘅雀鳥們會為左霸地或者吸引異性，就會開始唱歌直至日出，然後慢慢散去。
作為其中一名學生，我都當然要早上四點鐘出現係樹林。事前去左好幾次meeting同briefing(亦都被學校攝影師影左好多大頭照，救命呀)，星期四早上主要係錄音同rehearsal，而星期五早上就正式將樹林裡面嘅歌聲係附近嘅室內直播。經過一番mixing再混入學生們嘅錄音，下午就再重播一次。
做左咁多年人都未聽過咁大量雀鳥一齊唱歌。原來係呢度錄音並唔簡單，遠處嘅火車聲、附近車輛經過、風聲、雞啼等等聲音都無可避免地被錄下。係聲音污染無咁嚴重嘅英國都咁難避免噪音，更何況香港？ 畢業後都唔知仲有無機會聽到咁熱鬧嘅歌聲啦。
我係星期五早上都有帶住handheld 2-channel recorder出去錄音，然後將幾段斷斷續續嘅錄音mix成呢個blog底部個player播緊嘅四分鐘嘅soundtrack。聽下啦，香港好難可以咁清晰地聽到架啦！
No comments:
Post a Comment