3 days in Paris with the retarded friend

相比起過去兩年，最後一年嘅大學生活的確係比較忙(如果同其他科嘅人比我仲係算清閑嘅)，同埋係打blog呢方面我真係懶左。冇錯，我依舊一個禮拜有三日都無堂上，臨放Easter之前啲tutor仲要放晒自己假，所以今年未正式開始放假已經去緊旅行。

全世界一去到英國讀書，去旅行首選硬係巴黎，無乜朋友嘅我，終於搵到個都係無乜朋友，又未去過巴黎嘅人去。

成日去旅行，啲人硬係話好危險呀，好多扒手，扒手勁猖狂呀又盛盛盛。但係當每次旅行都平安渡過之後(除左Marrakech果次之外)。一黎我地生得高大，又唔係身光頸靚，又成日笑笑笑好似兩個癲婆咁，事實上我地又真係幾小心嘅，所以，我可以好肯定我同我嘅朋友都唔係賊嘅目標。我唔知世界上仲有幾多個同類＋一樣咁retarded嘅人，好慶幸旅伴們都係啲咁嘅人，就算個地方幾悶，我都總可以係歡樂嘅氣氛下度過。

今次呢個旅伴就更加將我平時嘅瘋癲推到極緻，其實我懷疑緊是否需要出國先可以笑到咁癲？其實俾一間有隔音設備嘅房我，加張梳化可能都夠我地笑幾日。

Gare De Nord : 搭Eurostar去巴黎就係度落車，唔太modern，我鐘意 

巴黎真係玩晒，樣樣野都起到咁大，再係鐵塔對面起個位俾人影相，無論有幾多人企係你前面，你都會有辦法完整地影到個建築物。呢啲先係100％為旅客設想嘛，叫香港人等多幾班地鐵果堆人都係返屋企反省下先啦

旅伴竟然有創意到話要去睇日出，雖然嚴重剛眠不足，又要急步行上Sacré Coeur，不過都值得嘅

行到手都震埋，前面係一個仲早過我地上山嘅婆婆

羅浮宮上空嘅太陽 - 好耐無見呀太陽

無人浸腳 (Y) 

好襯好齊心，同架車毫無違和感，我鐘意

係羅浮宮隔離仲見到凱旋門，仲要對到正一正，好離譜，幾時效法人地係金紫荊開條路直通銅鑼灣？